GBSचा संसर्ग पुण्यात वेगाने पसरतोय! पुणेकरांची वाढली चिंता!
नेमका कशाने होतोय हा आजार, महापालिकेने काय सुविधा उभारल्यात, वाचा
Guillain Barre Syndrome : पुण्यात गेल्या काही दिवसांपासून Guillain Barre Syndrome अर्थात जीबीएसचा संसर्ग वेगानं पसरताना दिसत आहे. पुण्यासह आसपाच्या गावात जीबीएसचे रुग्ण वाढत असू शहरात GBS चा उद्रेक होताना दिसून येतोय. GBS च्या वाढत्या रुग्णांमुळे पुणेकरांची चिंता वाढली आहे. पुण्यात GBS चा उद्रेक सुरूच असून रविवारी नव्याने GBSचे तीन नवीन रुग्ण आढळले आहेत. यामुळे आता पुणे करांची चिंता वाढली आहे.
.jpeg)
पुण्यात सद्यस्थितीला जीबीएसची रुग्णसंख्या 158 वर गेली आहे. रविवारी पुण्यात तीन नवीन रुग्ण आढळून आले. 158 पैकी 21 रुग्ण सध्या व्हेंटिलेटरवर असून पुण्यातील वेगवेगळ्या रुग्णालयात त्यांच्यावर उपचार सुरू आहेत. दुषित पाण्यामुळे रुग्णसंख्या वाढत असल्याची शंका महापालिका प्रशासनाला आहे. या आजाराचं मूळ शोधण्याचा प्रयत्न प्रसाशनाकडून केला जात आहे. यासाठी सिंहगड परिसरातील पाण्याचे नमुने फॉरेन्सिक टेस्ट साठी पाठवण्यात आले आहेत. पण अजूनही रुग्ण वाढीचं कारण समजू शकलेले नाही.
पुण्यातील एकूण जीबीएस रूग्णांपैकी 31 रुग्ण पुणे महापालिका क्षेत्रातील विविध भागातील आहेत. तर 83 रुग्ण सिंहगड रोड, किरकिटवाडी, नांदोशीसह आसपासच्या काही गावांमधील आहेत. दुसऱ्या बाजुला 18 रुग्ण पिंपरी चिंचवड आणि 18 रुग्ण पुणे ग्रामीण भागातील आहेत. तर आठ रुग्ण इतर जिल्ह्यातील आहेत. आतापर्यंत जीबीएसमुळे पाच रुग्ण दगावले असून 38 रुग्णांना आतापर्यंत डिस्चार्ज देण्यात आला.
Dhages

टँकरद्वारे होतो आहे दुषीत पाणीपुरवठा
किरकिटवाडी, नांदेड सिटी, धायरी या तिन्ही गावांना पाणी पुरवठा करण्यात येणाऱ्या टँकर पॉईंटची तपासणी करण्यात आली होती. याच परिसरात जीबीएसचे सर्वाधिक रुग्ण आढळल्याने या पाण्याची तपासणी करण्यात आली होती. या तपासणीचा धक्कादायक रिपोर्ट न्यूज18 च्या हाती आला आहे. रोज 200 पेक्षा जास्त टँकर या 15 पॉईंट्वरून भरले जातात. महापालिकेच्या टँकरने पाणीपुरवठा करणाऱ्या सगळ्या टँकरच्या पाण्यात ई कोलाय आणि कॉलीफॉर्मचे विषाणू आढळून आले आहेत. 15 टँकर भरण्याच्या सगळ्या पॉईंट्वरून टँकरने होणारा सगळा पाणी पुरवठा दुषित असल्याचं या अहवालातून समोरआलं आहे.
महापालिका 'इम्युनोग्लोब्यूलिन' मोफत उपलब्ध करणार
14 जानेवारीनंतर खासगी हॉस्पिटलात दाखल झालेल्या झालेल्या जीबीएस रूग्णांना मिळणार 1 लाखांची मदत मिळणार आहे. शहरी गरीब योजनेची मर्यादाही जीबीएस रूग्णांसाठी 2 लाखांपर्यंत वाढवली आहे, अशी माहिती पुणे महापालिकेकडून देण्यात आली आहे. कमला नेहरु रुग्णालयासह खाजगी रुग्णालयात उपचार घेणाऱ्या रुग्णांसाठी 'इम्युनोग्लोब्यूलिन' हे इंजेक्शन महापालिका मोफत उपलब्ध करून देणार आहे. या निर्णयामुळे रुग्णांमध्ये थोडासा दिलासा आहे.
